Tausi matua le manuia sili
Na maua le fa’atalatalanoaga le Fofoga o Samoa ma Tone Amituna’i o Falevao ma Samata Savai’i ma sa ia fa’ailoa ia le matagofie o le ola fa’alagolago i fua o eleele.
Na maua le fa’atalatalanoaga a’o malolo mai lana galuega i le aso atoa.
“Ia o le maumaga lava le fa’amoemoe o aiga,” o lana lea tala.
“O le fa’amuamua lava o lo’o ave le matua ma o le ala foi lea o lo’o nofo ma la’u galuega.
O aso uma lava ou te faigaluega ai lo’u maumaga. Ia o maua lava ma le uso laititi e galulue peitai o lenei aso ua sau na’o a’u.
“O a’u e leai se to’alua leai foi se fanau ae o na mea uma e leai lava se mea ou te popole ai.
“O le mea ia lena e talanoa ai mo le lumanai aua le atia’eina o a’u ia ma lo’u ia olaga mo le lumanai.
“O a’u lea o lo’o mafuta ma tausi matua ao nisi o o’u uso ma tuafafine o lo’o tau fai faigaluega faatasi aua seleni mo lo matou tina
“O aso nei ua le toe faigofie le sailiga o galuega ae ua saili lava ona o mafuaaga tatau aua le tausiaina o lo’u tina e fesoasoani ai i nisi o uso ma tuafafine i le tausiga o le aiga.
“O le fa’amuamua lava e ave le aiga, a le lelei le maumaga ia galue le sami aua nisi meaai aua foi o nei lava vaega e fa’amoemoe ai o le sami ma le eleele.
“E tau su’e lava galuega ae le fa’amoemoe le sami ma le eleelele o auala sili lea na faigofie.
“Ia o pei ona tau mai foi lenei itu le aso ia fa’atoa toma mai ua so’o le isi itu o lo’u maumaga i tiapula.
Sa taua e Tone o se aiga e galulue fa’atasi o se aiga fiafia.
“Ia pei na fai atu na’o maua lava ma si o’u uso ma o ma matua, ia e galulue fa’atasi lava e mama ai foi le avega.
“Aua o le mau lava lena o se aiga galulue fa’atasi i se aiga fiafia ma manuia.