Faigata le soifuaga

By Ilia L Likou 29 November 2017, 12:00AM

O le maua ai o le fa’atalatalanoaga a le Fofoga o Samoa ma Sauileone Taumaoe na ia fa’ailoa ai le tulaga faigata o lo’o ua feagai ai ma le aiga.

“Ae ui lava i lea e le mafai lava ona aveese lo’u talitonuga e ao lava ona va’ai lelei la’u fanau i so’o se itu ou te iloa e tatau ai,” o lana tala mai lea.

O lo’o faigaluega nei o se leoleopo i se tasi o kamupani i Nu’u Fou.

“O lau kilia i le lua vaiaso e na’o le $20 ma o se tulaga faigata tele lea i a te a’u lava ia i lo’u iloa i ai.

“O le uiga o la’u tala ia e le taitai lava ona maua se  tulaga fo’i lea e taumafai e toso atu le tupe maua e ola ai a’u ma le fanau i le isi aso....

“O se tulaga faigata tele lea i lo’u ia iloa i ai, aemaise ole tulaga taumafai ai pea  ina ia tausia aiga ma fanau.

Na ia ta’ua o se tulaga faigata tele lea i a te ia.

“O a’u e ta’ilua vaiaso ma totogi ma e le faigofie i lo’u ia iloa i ai le taimi lenei, o se itu e ao ona silasila lelei i ai...aua e le tatau lava ona fiaaai fanau..

“O lea le timu ma le la ia e taumafai lava e alu e faigaluega, ona e mo le silafia ia o le tele lava o aso ia ua o tatou silafia uma lava...

“E le mafai ona maua se ti e inu on a ua leai se  tupe e mafai ona maua ma o se itu faigata tele lea i a te a’u lava ia.

Na ia ta’ua e leai se mea e mafai pe afai e leai se tupe.

“E pei o lea lava le tulaga faigata o lo’o ua i ai nei lo’u aiga, ma o lea lava le itu e o’o i ai pe afai e leai ma le lava le fa’asoa i tupe maua.

“O le fa’amoemoe lava i le Atua.

By Ilia L Likou 29 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>