Tautua fa’a-tinā

By Ilia L Likou 29 November 2017, 12:00AM

O galuega fa’atinā o se itu taua tele lea i lo’u iloa i ai.

O lea le finagalo o le tinā i a Taumaia Fruean i le Fofoga Samoa i le aso ananafi.

“O a’u ia e pei o lea lava le tulaga olo’o ua i ai lenei vaitau, o le fai o feau uma, e o’o lava i vaega e fa’atino e tama ia e o’o lava i ai le malosi.

“O le taua ia o le galuega fai a nai tina i totonu o aiga, ma o le ala lava lea o le fa’aigoa ai o i latou o pae ma auli.

“O i latou nei e fa’amafolafolaina o soo se itu e ui ina le amanaia foi le tele o taimi ae fai lava le tiute o le tina ia mo lona aiga.

Na ia ta’ua o se itu lelei tele lea mo totonu o aiga, o le i ai o se tinā.

“O le itu taua ma le mautinoa o le taumafai lea ina ia fa’atino o so’o se vaega mo le lelei alu i luma o le atunu’u.

“Aua e ta’u sa’o atu lava o lo’u ia tagata, ia o le tele o feau fa’atama ou te fa’atinoina ma o se itu lelei tele lea i lo’u iloa i ai.

“O le uiga o la’u tala e le mafai ona fa’atino o so’o se itu pe a leai ni vaega e mafai ona fesoasoani ai tina mo aiga.

O le maua ai o le avanoa e fa’asoa ai i fanau o se itu na ia taua e tatau lava ona fa’asoa i ai.

“E pei o lea lava le tulaga e tatau ona i ai, ia maua le malosi aemaise o le ola e tautua ai vaega uma mo le atunu’u...

“O se itu lelei tele lea i lo’u ia iloa i ai, ma e ao lava ona fa’atino mea uma mo le lelei aemaise o le aga’i ai le lumana’i.

“Aemaise lava o nai a tatou fanau teine ia maua pea le taimi e va’ava’ai ai i vaega mo le fa’aleleia.

By Ilia L Likou 29 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>