Saoasaoa suiga o nei aso

By Vatapuia Maiava 29 October 2016, 12:00AM

Na afea e le Fofoga o Samoa le tamā i a Enele Samau, 83 le matua o le soifua o le afioaga o Malie i le aso ananafi.

“Ia o nei aso , oka...ia o tamaiti ua matua’i laiti ae ua va’ai atu ua tofu telefoni, o lavalava ma ofu e fai ua le talafeagai lava, o lo’u iloa o le mafua’aga lea o le tele o ‘a’afiaga o le tele o tala olo’o aumai e fa’atatau i soligatulafono o lo’o ‘a’afia ai tupulaga talavou i nei aso.

 “Ia o a’u ia i le taimi lenei ua tele lava ina nofo le fale ma faitau le Tusi Pa’ia ma isi tusi ou te fiafia e faitau.

 “O le tele lava la o aso ou te fa’alogologo ai i le leitio ma maitau mai ai le to’atele o fanau ua  tofu telefoni i nei aso ma feoa’i solo ae ua leai ni taliga e fa’alogo ai fa’atonuga a matua.

 “Aua e fai la’u tala, e fiu e vala’au le to’atele o tamaiti e pei lava e fai le pato...ia ta’ilo i aoga o lo’o i ai i lenei taimi ailoga o i ai se isi o fa’alogo i faiaoga i le taimi e fai ai se mataupu aua ua masani taliga i le tu’u ai o telefoni.

 “O le fa’afitauli tele lea , ma o telefoni nei ua tele ina pei a leaga ai ulu o le fanau, ia ou te fai lava i fanua o la’u fanau ina ia tu’u telefoni, aua e laiti tele ma e le’i taitai lava ona fetagofi ni telefoni.

 “Ia aua e o’o lava i fanau a la’u  fanau, ou te va’ai atu loa o fai mai se telefoni ou te nofo ma otegia.

“O le matua alofa i lo’u iloa i ai, e fai sa’o lava le tala i taimiti.

 “E mana’o e ave telefoni i le aoga ae ou fai ai e aua....

 “Ua lava na’o tagata matutua e fa’aaogaina ae le faia ai nisi vaega. “Ua tele tamaiti ua ma’imau tupe e fa’atau ai credit ae lae taumafai matua e ave i le aoga e maua mai ai se mea aoga.

 “Ua ova le tautalaiti o tamaiti.

O lona talitonuga , e ao lava ona fa’amalosia le ola gaua’i o tagata Samoa i le Atua.  “E tatau lava ona o tatou o ese mai mea fa’afiafia o le lalolagi aua e le aoga.

 “Ia o le a le mea saga  fai ai pe a iloa e le lelei mo tagata ma fanau.

 “O la aso e le taitai na fa’alogo e tele fa’apea ni fasiotiga tagata e pei o nei aso, ae peita’i ia ua faigata lava nei vaitau ua tatou i ai.  “O lo’o ua i tatou Samoa......o aso la na lelei mea , ia o le manaoga lava i le fanau ia manuia lo latou ola tupu tupu a’e.

By Vatapuia Maiava 29 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>