Manaomia sau fesoasoani

By Ilia L Likou 24 November 2017, 12:00AM

E le’o toe faigofie lenei olaga o lo’o ua tatou i ai.

O lea le finagalo fa’aalia o le tinā i a Ana Vaiolo i le fa’atalatalanoaga ma le Fofoga o Samoa i le aso ananafi.

“O si o matou aiga e ausage lava e matua’i leai lava se mea e mafai ona fa’atinoina aua le aga’i ai le lumana’i.

“O le tupe maua e maua mai le koko fa’atau, ae pei o la’u ia tala atu o se  itu e ao ona silasila i ai le taimi lenei o le taumafai ina ia fa’atinoina o so’o se vaega aua se tupe maua.

“Ia e tele lava na fa’atau tia’i koko Samoa ,ae o le itu taua ia maaua sina fa’asiliga mo se tupe maua o le aiga.

‘Ua le toe faigofie nei aso, ia a  maua se tupe e fa’apolopolo lava aua le fanau, aua e le taitai ona faigofie lea tulaga i lo’u iloa i ai.

‘O se itu taua ia mafai ona fa’atino vaega uma aua le lelei alu i luma o le aiga aemaise o galuega fa’atino.

“O lo’u ia iloa i ai, ia o le taumafai lava, o lo’u aiga  lava ia ia e leai se vai, e le’i o’o mai se suavai i uta nei.

‘Ia e taumafai lava e fa’asoa lelei le suavai i le itu e gata ai aua le aga’i ai le lumana’i, ma o se itu faigata tele lea i lo’u iloa i ai.

Na ia ta’ua o le taimi lenei o lo’o taumafai fo’i mo se eletise.

“Ona o lenei vaitau ia e le mafai ona sefe se tupe aua e le lava mo le fanau, ae taumafai lava ina ia fa’atino o so’o se faiga aua e pei o le fa’amuamua lava o lo’o ave mo le fanau.

“E pei o le uiga o la’u tala ia e le aoga le tulaga fo’i lea o le taumafai ai mo nisi o vaega mo le fa’aleleia o le aiga ae galo ai le fanau.

“Leai e tatau lava ona ave le fa’amuamua i si a ma fanau, ma o se itu lelei tele lea i lo’u iloa i ai.

“E pei o le taimi lava lenei, ia o lo’o ua mana’omia lava se fesoasoani mo si o matou aiga, i le itu tau suavai, aemaise o le fale nei, ma le eletise...

“Ona e pei o vaega nei o lo’o mana’omia ai lava se fesoasoani.

By Ilia L Likou 24 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>