Leai se suavai maua

By Ilia L Likou 30 January 2018, 12:00AM

Ua savali ma le lima tausaga o feagai pea le aiga o Mulipola Kerisimasi o Salua Manono-Uta ma le leai ai lea o se suavai.

Na ia fa’ailoa o le taimi lenei o se itu faigata tele le taumafai ai lea e tau aoao mai se vai aua le  tausiga o le aiga i lea aso ma lea aso.

‘O le itu mautinoa a leai se vai e leiloa pe a faafefea ona tausi le aiga ma o se itu taua tele le i ai lea o le suavai.

“E mo le silafia ai ua savali nei le lima tausaga o feagai ai pea ma le fa’afitauli o lo’o ua i ai nei.

“Ua laki o nai aiga tuaoi  o lo’o taumafai e aumai ai le suavai aua lea aso i lea aso.

Na ia fa’ailoa foi o lo’o taumafai lava e sailia se tanevai.

“O le itu mautinoa o a’u e faigaluega, ae le mafai ona fa’atino se gaioiga i le totogi aua na’o le $100.

“Ua matua’i leiloa le mea o le a fai le taimi lenei i le faigata o le soifuiaga.

“O a’u e ave lava la’u fa’amuamua i la’u fanau, ae pei o lea lava le tala i le tausailia ai o se suavai i le taimi lenei.

‘O le itu mautinoa e le mafai ona fa’atinoina se isi gaioiga i le taugata o le tau o le soifuaga olo’o ua i ai nei.

Na ia ta’ua o ia e to’afa ona alo.

“Ia a talanoa foi la i le fa’aa’o’ogaina o le fanau o se itu  faigata tele lea i lo’u maitau i ai.

“E moni e tele ina feitai tagata i le au Saina ae ua laki latou nei o lo’o taugofie mai ai le tele o le tau o oloa.

“Aua a tu’u atu i nai o tatou tagata ia ua matuai faigata lava i le taimi lenei.

“Ia e pei o lea lava le soifuaga o lo’o ua i ai le taimi lenei.

Fa’afeso’otai le  7296815 pe a fia fesoasoani.

By Ilia L Likou 30 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>