O le fa’amuamua le tinā e ave le fanau

By Fetalai Tuilulu’u 30 March 2017, 12:00AM

O le mau a le tina ia Folole Malomaua, 31-tausaga le matua ma i Faleasi’u o le faamuamua o fanau ma lenei vaitau ua tuu atu a ii latou i le aoga. 

O le faamamafa a le tina ina ia ave atoa e matua le latou lagolago mo fanau ma o latou lumanai manuia. 

“E atia’e lava lo matou aiga, toatasi la’u tama o lo’o aoga ma o le galuega le tamā lava o lo’o faamoemoe iai mo lona pili aoga” o lana tala lea i le Fofoga o Samoa. 

“E moni ai le upu, o au a matua fanau ma e tatau i matua ona tuu atoa iai le latou faamuamua mo manaoga a le fanau, aua so latou lumanai manuia. 

I le mau a le tina tele suiga o le olaga ua iai nei ma ua taugata ai foi ma le tau o le soifuaga ma lona ãluga ua iai nei. 

“E moni lava o lo’o alu lava i luma le tau o le soifuaga ae a taumafai atili lava i mea e maua i o ma lima aua le tausiga o fanau mo le lumanai. 

“Pei na fai atu le taimi ua sola o le tama lava o lo’o fa’amoemoe ai i tulaga tau seleni ma o lo’o faigaluega nei i le falema’i o le sikulati. 

“E lelei lava lona totogi maua e lava lelei ai le fa’asoa o maua ma le fanau, ia o mea fia le nu’u aua o lo’o fai nei le mā mātafale. 

“A ma’I foi le tamā ua le faigaluega ona tua lea le maumaga e maua ai sina seleni sei toe malosi foi ona feagai lea ma galuega pei ona masani ai. 

“E lelei a le mativa ae mativa faafesagai, o mea ua maua i lima faafetai i le foai ua maua. Aua o lo’o maua lava meaai i le faatoaga” 

O le naunautaiga o le tina o le ave pea lea o lona fa’amuamua i lana fanau aoga. 

“O le fa’amuamua lava e ave le fanau aua o tofi mai le Ali’i, ia maua ni lumana’i manuia ma ia iloa lelei ona ola lenei olaga faigata. 

Na ia tau’a o faalavelave i totonu o aiga ma nuu ma le ekalesia ua masani ai lava ona tagata. 

“E tetele mai lava ae ele mafia ona tatou ‘aloese mai ai aua ua masani ai lava o tatou tagata i mea fai mai anamua. 

Pau lona manatu maualuga ina ia iu manuia ma iu lelei aoga a lana fanau aua so latou lumanai manuia. 

By Fetalai Tuilulu’u 30 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>