Manatu o le Fa’atonu - Taimi uiga ese e tatau ona e i ai i Samoa

By Mata'afa Keni Lesa 30 April 2016, 12:00AM

O se faaiuga uiga ese o le vaiaso i laufanua mugāla o le parataisp. E leai se tulaga masalomia o lena itu. Faatasi ai ma le selau ma selau o tagata asiasi mai o loo faapotopoto iinei mo se mafuaga e tasi poo le isi, ae o le mea sili o le i ai lea o se mea mo tagata uma lava.

Ae pei ona matou fai atu ananafi, pe o e saili i se toe fuata’ina faale-agaga, o nai upu o le faa-lototele pe mo na o sina taimi fiafia, o lea ua oujtou o mai i le nofoaga sa’o i le taimi sa’o. .

O lea fiafia na amata i le aoauli ananafi i luga o le Ala i Luga o le Sami-lea e latalata i le 1,000 malo faaaloalogia –e aofia ai o tatou tausoga mai French Polynesia ia sa faatasitasi mo le tatalaina o le Sheraton Samoa Aggie  Grey’s Hotel ma fale laiti mo malo. O le Tau lea sa le manino lelei mai –na liua i se Tau- e ese le manaia –ma avea ai lea sauniga ma mea o le a manatua pea.  

O le toe taliu mai o le tamaitai matua uiga ese o le Pasefika i Saute-o se faamaoniga lea o le tau o le tauivi pea ma galuega faigata ma le tuu atu atoa e faatino le ituaiga ma le lelei uiga ese. O se mea uiga ese lea. O le ta’ua la o le tulaga e sili ona lelei, o le isi sauniga o le a aloa’ia ai se tulaga maualuga ma faaaloalogia ai  faailoga tau taaloga a le S.A.S.N.O.C.Samo Sports-i le afiafi nei- i le Gym 1 i Tuanaimato. E iva faailoga  ua tuuina atu  e taufao e tagata taalo, faia’oga ma e pulea.

A pa’ia loa le taui o le tulaga e sili ona lelei tau taaloga, ona moni lea ua matua umi lava le taimi i le va o faailoga. O le sauniga nanei o le sauniga muamua lea talu mai le 2007. O lena tulaga-o le mea moni lava ua matua umi le taimi-ae pei ona latou fai mai, e sili ona lelei le tuai i lo le leai o se mea e faia.O loo matou tilotilo i luma e saili pe o ai o le a savali ese i le faiuga o le po ma faailoga aupito i maualuga. Maumau pe ana faapea tatou te mafai ona taui i latou uma. E leai se faaletonu e faapea o le a tofu tagata ta’ito’atasi uma ua filifiliga- e tatau ona aloa’ia i soo se faiga.

.O le tulaga e faanoanoa ai-e na o le toatasi lava le tagata e manumalo i vaega ta’itasi. O le uiga o lena mea- e le masalomia le avea o lea afiafi ma sauniga faamanatu e sili ona manaia mo le faalapotopotoga o Taaloga a Samoa, ma talosia o le amataga lea o se sauniga lea o le a faia i tausaga uma lava ma faagasolo atu ai i le tali a Samoa i le Oscars. 

E ese ai mai Tuana’mato, o se vaega o ituaiga eseese o ua tula’i mai i le Robert Louis Stevenson Museuma. O iina lea o le a tatala aloa’ia ai e le Palemia o Tuilaepa Sailele Malielegaoi lona 20th o le Tauvaga Faava-o-malo a Samoa o le Tauvaga Tau Faigafaiva lea na faatulaga e amata i le Aso Gafua. 

O se numera maoa’e  o tagata fagota-e sili atu i lo le 200 e pei ona faailoa mai ia i matou-o loo tauva ai ina ia o’o atu i le salafa o le sami o Samoa e faatio o latou poto masani e faasaga ia i latou ta’ito’atasi-ona o se taumafaiga ia na maua se i’a e sili ona lapo’a. 

Ae latou te le’i faatinoina lea tulaga, o le tatalaina nanei o se avanoa lea e toe mafaufau ai i le tala faasolopito o lea tauvaga ma le Samoa International Game Fishing Association (S.I.G.F.A.). 

O le mavae atu o le Luasefulu tausaga e le o se taimi puupuu ma o le mea moni e faapea o loo faaauau pea le tauvaga-e ui i nei lu’itau uma-e atagia ai le noatia o le S.I.G.F.A ma e lagolagoina i latou  ina ia faalauiloa Samoa e avea nofoaga o faiga-faiva mo le lalolagi atoa.

Ma talu ai o lu’itau ia o loo faaauaau pea ona latou faafeagai-e le o lava, o le faatalitali ma le popole mo le taunuu mai o isi vaa e 12 taeao-o se mea lea ua avea ma mea ua faateleina ai le tulaga lu’itau o lenei tauvaga i le itu tau le talimalo.  E le mafai la ona e ita, e tupu pea lava ma ona pau o le mea e mafai ona e faia –o le nofo pea ma le mautinoa ma faamoemoe mo le mea sili. Ua faigata ona matou faatali e vaai i i’a e maua mai ai i le vaiaso fou..

I luma o le fale o le malo i le afiafi nei, o loo faatino ai le isi sauniga lea fai mai e maua ai le tele o le faamoemoe ma le faaosofia i se Koneseti e faapea o le ‘Alofa o le Atua na toe Faatumu atu,’ o loo aofia ai Annie Tonumalii ma To’aletai David Tua.

Matou te le tau faailoa atu i nisi o le tatou aufaitau lenei mea. O le itu e tatau ona faailoa atu, o Annie ma To’aletai –e uiga ese a la tala e faailoa mai pe na faapefea ona la manumalo ia la taua ma mea faatiga ma isi lava luy’itau o le olaga. O le a maua ai le musika, le anoano o le ‘ata ma le lalolagi o mea taumafa faale-agaga e mafaufau i ai mo nisi aso o i luma. Ua valaauina outou. 

O le itu mulimuli, na faafeiloa’i e Samoa lana faamasino fou tama’itai o le Faamasinoga Sili, o Tafaoimalo Leilani Tuala-Warren annafi. O le tautoga a le Faamasino Tamaitai o le Faamasinoga Sili o Tafaoimalo-na faatino i luma o le Ao o le Malo-Lana Afioga Mamalu Tui Atua Tupua Tamasese Efi i Tua’efu.

Ua avea lea Tamaitai ma Tamaitai Samoa lona lua ua siitia i lea tulaga. O se matati’a maoa’e lea ma matou te fia momoli atu le faamalo i le Afioga i le Tamaitai Faamasino o Tafaoimalo-e tusa ai ma lana galuega fou. 

Ia outou maua Samoa se faaiuga uiga ese o le vaiaso –ma ia outou fiafia ma ia faamanuia atu le Atua!

By Mata'afa Keni Lesa 30 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>