E faigofie pe ā alofa i matua
E i ai lu’itau o le ola a’oa’oina.
O lea le manatu o Jack Fepulea’i o Vaitele-Fou i le Fofoga o Samoa i le aso ananafi.
O Jack o ia o le ulumatua o le fanau e to’afa a ona matua ma o lo’o aoga i le Kolisi o Faleata.
“E pei o le uiga o la’u tala o le fa’afitauli muamua lava o le augata ai lea i nisi o taimi e fai meaaoga ona o le ova fo’i o le tafao ma le le usita’i i le tele o taimi.”
Na ia ta’ua e ala ona tupu fa’afitauli ona ua le usiusita’i i matua.
“O le itu moni lava lea, e pei o matua lava ma le aiga e amata ai le ola lelei ma le usita’i o i matou le fanau.”
“E ui lava la ina alu alu fo’i le usita’i i matua ae e i ai lava le lagona e le tatau ona le usita’i aua e le lelei.”
Na ia fa’ailoa i le Fofoga o Samoa o taimi uma e fautua ai lava matua mo ia ma nai ona tei ina ia to’a’aga e o le aoga.
“Ia ona o a’u ou te ulumatua, o le lu’i lava lea o nai o’u matua i a te a’u ma na’i o’u matua o le taumafai lava lea ina ia avea a’u ma fa’ata’ita’iga i nai o’u tei laiti.”
“E pei o lea lava le tulaga o lo’o finau ai lava, aua ou te iloa a va’ai mai i latou o lo’o o’u malosi o le a fiafia ai fo’i latou ma fa’amalolosi mai e o i le aoga.”
O le a se galuega e te fia galue ai pe a e matua?
“Ia o a’u ona o le tele o soligatulafono o lo’o o’u i ai nei, e fia avea a’u ma leoleo e tausia le filemu i totonu o Samoa.”
“E pei a filemu ma nonofo fealofani tagata uma o le a le taumateina fo’i le ola fiafia ma saogalemu o so’o se si’osi’omaga tatou te ola ma soifua ai.”
“Ia ma fa’aitiitia ai soligatulafono i Samoa ae avea le to’atele mai latou e fa’atupuina le filemu.”
Ina ia ausia lea miti ‘e ao ona fa’aauauina le ola a’oa’oina i le Iunivesite a Samoa i le tausaga fou’
“E pei ona silafia ai o lo’o o’u i le vasega 13 i le Kolisi Faleata, ia taumafai atu lava ia ausia le N.U.S. ia ma va’ava’ai atu ai lava i le lumana’i.”
“O a fa’afitauli alofa i matua e faigofie mea uma.”