Fa’asinomaga o se ali’i Samoa e ala i lana soga’imiti
O le afiafi o le Aso Faraile sa fa’atautaia ai le sama ina o le tatau Samoa a le ali’i ia Maseagaia Kelz James Muliipu.
O lea fa’amoemoe sa fa’atautaia i le fale o le matagaluega o turisi i Apia.
O le tufuga ta pe’a o le afioga ia Suluape Leiva’a o ia lea sa feagai ma le galuega tele i le umi e lua vaiaso.
Sa taua foi e Maseagaia o le aso lea sa fai ai le samaina o lana tatau o le aso foi lea na atoa ai le 24 o ona tausaga.
O lenei ali’i sa nofo i Vaitele mo le lua vaiaso ae o lo’o aumau i Sini Ausetalia.