Tatala e le Palemia le Fale o Samoa e $17miliona
O le Palemia o Tuilaepa Sailele Malielegaoi na tatalaina aloa’ia se tasi o fale aupito i telē o Samoa ua fausia i fafo atu o le atunuu ananafi.
O le Palemia o Tuilaepa sa taiulu i le savali tulaga maualuga mai Samo mo le tatalaina o le fale o le malo ua faaigoaina o le Maota o Samoa lea o le a faaaogaina e fai le Ofisa o Konesuli lea sa masani ona i ai i le ‘K Road.
Na faaalia e le Konesula Aoao o Faolotoi Reupena Pogi i le New Zealand Herald e faapea o le tau o lea galuega e sili atu i le NZ$10million (T$17m) Fai mai a ia o le se’e atu i Mangere ua tele tausaga o fuafua ma o le fausia o lea galuega na amata i le amataga o le tausaga talu ai.
“O se maa tulimanu lea na tonu i lo tatou malo e fausia nei fale iinei. O le toatele o tatou tagata ia ua nonofo i le vaega i sauté o Aukilani, aemaise ai lava le faataamilo i lenei nofoaga ma pitonuu e latalata ane,” o le faaaliga lea a Faolotoi i le NZ Herala.”
“O le ofisa i K Rd na fausia i taimi faai’u o le 70. I lea taimi, o lo matou nuu sa mafuli i le nonofo faataamilo i lea vaega-o le Grey Lynn area.” O le fale o loo faavae i luga o fausaga faale-aganuu, o lona ata ma le faiga.
O utupoto tetele o loo fafau i le ‘afa, na fai mai le pulu o le niu-e masani ona vaai if ale i Samoa. O lona fola o loo faapea foi ona aofia ai mamanu na maua mai le aganuu a le Pasefika ma tatau. “Na matou auaina ni fili-‘afa se to’atolu, tagata o galuega tau lima mai Samoa e faia na o le ‘afa.."O le ‘afa na aumai mai Samoa. O tufuga taito’atasi uma e tofu lava ma ana ia mamanu ma o le faiga lenei ua mafai ai ona faailoa o latou tomai.”
O kamupani a Niu Sila o Walker Community Architects ma le Haydn & sa filo i kamupani a le atunuu sa aofia i le galuega.
Fai mai Faolotoi e tele suesuega sa faia e tagata tusi ata o fale a Niu Sila ina ia mautinoa ai o le latou ata o le a taua ma fai ai le amiotonu if ale faale-aganuu.
Fai mai Faaoloti o le tau atoa o le galuega sa “sili atu i le $10 miliona.”
Na ia faafetaia le i ai o se fale faapea i totonu o Aukilani i Saute ma faafetai tagata eseese o le atunuu. O lona faamoemoe o le a mitamita nuu o tagata Samoa ma Niu Sila ona o le i ai o lea fale i lea nofoaga.
“E 16 masinoa na fau ai le fale ma ua matou mitamita i lona taunuuga mulimuli.”
“Matou te faamoemoe o le a mitamita o tatou tagata i Aukilani i lenei fale uiga ese lea ua faaalia –o lo latou vaaiga lea iinei i Aukilani.”