Talosagaina e le Soifua Maloloina se feiloaiga ma Tufuga Ta Tatau

By Lanuola Tusani Tupufia 31 August 2016, 12:00AM

Ua tapā e le Matagaluega o le Soifua Maloloina ni fuafuaga tau le puipuia mai tufuga ta-tatau talu ai se suesuega talu ai nei o se gasegase tau HIV Aids.

Na tulai mai lea faalavelave ona o se tagata pisia i se gasegase ina ua mae’a ona ta lana tatau.  

O le asŏ na faailoa mai ai e le Faatonu Sili Aoao o le Soifua Maloloina-o Leausa Dr.Take Naserie faapea o loo fono le Matagaluega ma ta-tatau i le asŏ i le Millenia Hotel e fesoasoani i le tuuina atu o ni fuafuaga e taofia ai-a’o faatino le latou matafaioi.  Fai mai Leausa o lea mataupu o se atugaluga lea mo le Matagaluega ma le toatele o tagata Samoa ma turisi-tau le taina o pe’a. 

Ua matou vaaia le mea na tupu i le tamaloa na sau e ta sana pe’a i luga o lona vae ae mulimuli ane ua ‘ona,” o lana faaaliga lea.

Na alu ane o ia i le falema’i lea sa fai ai suesuega ma maua ai e afaina o ia i le HIV. Ua matou popole i le tagata ta-tatau ia na pisia (i le toto) faatasi ai ma tagata o loo ta a latou tatau.   O le pogai lea ua matou feiloa’i ai ma le ‘au-ta-tatau-ina ia faaleleia ati o latou tomai ma tuuina atu ia i latou faiga tau le puipuiga e faaaoga ae le’i amataina le latou galuega.”E tusa ai ma le Faatonu Sili Aoao o le Soifua Maloloina-ua laga’ia ai se popolega e uiga i tagata e o mai le salafa o le lalolagi e ta a latou pe’a.

O loo aloa’ia Samoa i le lalolagi atoa mo lana tatau faale-aganuu, o le itu lea na faaalia e Leausa. 

Ua sili atu lo tatou mafi aganuu ona o loo tatou faaaogaina mea faigaluega faale-aganuu ma o lea e tatau ai ona faatino ni fuafuaga e puipui ai.”

Fai mai a ia ona o le tele o le galuega tau le taina o le tatau, e toatele tagata e afaina ai i faama’i e pei o le HIV ma le hepatitis lea e mafai ona pipisi atu e ala i le toto.  

E ui lava ina maulalo le numera o HIV i Samoa, ae o le pipisi o Ma’i tau Feusuaiga (STIs o loo tumau pea ona maualuga. 

.I totonu o le Samoa’s Global Aids Response Progress Report 2015, o loo faaalia ai le tulaga o le faama’i o le (HIV) e faapea ua maulalo faatasi ai ma le na o le 23 cumulative cases tau le HIV talu mai le 1990.  

I totonu o le lipoti o Tesema 2014, sa 12 tagata o loo maua i le HIV (PLVWH)faatasi ai me 10 o i latou sa togafitia i le Auaunaga Tau le Soifua Maloloina faatasi ai ma le fesoasoani mai le Global Fund Facility ma gasegase e lua sa togafitia i tua.    

 “Mai le 10 gasegase sa togafitia e ala i le lagolago mai a le Global Fund Facility, o le to’afa o ni alii ua matutua, e to’alua o ni tamaiti ma le to’afa o tamaita’i matutua,” o le faaaliga lea a le lipoti. 

“O gasegase e to’alua sa togafitia i tua o ni alii matutua. O le ituaiga autu o le pipisi e mafua i gaoioiga tau feusuaiga. Mai le 12 o PLVWH o le to’atasi o se tagatanuu ua toe taliu mai atunuu mamao, o le lua-o mataupu mataupu tau le pipisi atu mai le tina i le tamaitiiti ma o gasegase o totoe ai e mafua mai feusuaiga.”

Na toe ta’ua e le lipoti e leai ni gasegase ua iloa tau le tane ma e pipisi atu i alii na maua ma o isi mataupu tau le pisia e mafua i le tui o le toto. 

E ui lava ina o Samoa o se atunuu e maulalo le sasao ai o le HIV, ae o le faateleina o le aofai o SITs, aemaise ai lava le shlamidya-o loo tumau pea ona avea ma popolega tele. (Edited Fui) 

 

By Lanuola Tusani Tupufia 31 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>