Lē maua se Suavai

By Ioana Tupa'i 31 December 2017, 12:00AM

Ua avea le lē maua o le auaunaga o le suavai ma se faafitauli.

O le tina i a Ilo Tolova’a o  Aleisa ua lua nei tausaga o leai lava se suavai o loo maua atu mai le auaunaga le pulega o le suavai.

E to’atolu ona alo.

I se faatalatalanoaga ma le Fofoga o Samoa sa ia faailoa ai o loo solo lelei mea uma lava ae na’o le suavai lava o loo fai ma faafitauli.

“O le leai o se suavai ua fai lea ma itu faigata.” o lana tala mai lea.

“O taumafa e le o se faafitauli lea i lo matou aiga aua o loo tua i le faatoaga e pei lava o le tele o aiga.

“Pau le tulaga o loo maua ai le suavai mo lo matou aiga o le aiga o loo luma atu oi matou ma le suavai maua mai le timu”.

Sa taua foi e le tinā le taugata o le soifuaga ua iai nei Samoa aemaise lava ua siitia le tau o le soifuaga.

“Na’o si ou toalua lava e faigaluega o se ave taavale laupasese ma o le pau foi lea o le alagatupe mo lo maua aiga i le taimi nei.”

“O nisi taimi e fesoasoani mai ai se tasi o le fanau o loo aumau i Niu Sila i le taimi nei.”

E le gata i lea o loo iai le maua lava faatoaga o loo tua iai e ui e lei faatauina se fua o le faatoaga ae o loo faaaoga lava mo le fofoga taumafa.

“O le leai o se suavai ua aafia uma ai lava le faatinoina o tiute ma feau faale-aiga.”

“Faigata ai lava ona gasese taumafataga faatasi ai ma le faatinoina o feau  e pei o le faamamaina o le fale ma le faia o le tagamea.”

“Ese ma le manaia o le nofoaga ae paga o le leai o le suavai”

By Ioana Tupa'i 31 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>